Yaad Beete Dinon ki Dilaate ho kyun ?

yaad beete dinon ki dilaate ho kyun
main bahut ro chuka, ab rulaate ho kyun

kab ye maine kaha hai, ho tum bewafaa
apni majburiyan tum bataate ho kyun

gar nahin ho kisi ke gunahgaar tum
apna munh is jahaan se chupate ho kyun

kya milega tumhe raakh ke Dher se
Khaak me mujh ko aakhir milaate ho kyun

surkh hai Khoon-e-dil bhi mera, aye sanam!
apne haathon me menhdi lagaate ho kyun

laut kar apne ghar bhi na main jaa saku
saaqiya! mujhko itni pilaate ho kyun

dekh kar mujh ko kehtaa hai ye, aaina
aankh nam hai to fir muskuraate ho kyun

doston ki tarah mat milo, Thik hai
dushmano ki tarah pesh aate ho kyun

jab aye "Shoonya" hua tum se voh bewafaa
tum bhi apni taraf se nibhaate ho kyun.?.....

-------------------------Shoonya..............