kuch chehro par aaj naqaab bohat hain
Jo hamare azeez-o-Ahabaab bohat hain
yeh roz naye marasim us par naye bahane
Jante hai hum wo hazir-e-jawaab bohat hain
Waqif hai uske kiye adhure wado se lekin
Kya kare dil me sajaye khwaab bohat hain
Wo to nadaan hai is shehr-e-talluq se
khabar nahi yaha saazish-e-hijaab bohat hai
khwahish thi kabhi pooche wo mujhse haal-e-dil
mere dil me bhi armano ke sailaab bohat hai
khayi thokre is qadar zindagi-e-safar se
ab har lamha mere liye Izteraab bohat hai
teri kismat par hasi aati hai "jubin"'
har shaey me tu nakamyaab bohat hai.......
No comments:
Post a Comment