Friday, August 28, 2009

Misaal-e-Ishq......

chand lafz pesh hai aapki khidmat.........kuch bikhre hue halaat ke tukde numaya hai is ghazal me.....



tanhaa hai meraa Dil bayaaN kaise karoo

tu mujhko bhulaa ye gumaaN kaise karoo

tamaam shehar ki nazareiN hai meri chaukhat pe
maiN tere ishq ka elaan jaaN kaise karoo

zamaana pyar ki parwaaz ka dushman niklaa
hawayeiN tez hai unchi udaaN kaise karoo

toot ke Dil bikhar gayaa hai kaanch ki tarha
mai is toote hue ghar ko makaaN kaise karoo

tera ahsaan e mohabbat chukaaunga kaise
Qarz karna hai adaa meharbaaN kaise karoo

bad tere pareshani ne mujh ko ghair liaa
ab apni mushiklo'N ko mai aasaaN kaise karoo

hawaa k rukh pe Diya jal raha hai roz-o-shab
misaal-e-ishQ hai meraa bayaaN kaise karoo...................
---------------Ek Simat ta Shoonya-----------

No comments:

Post a Comment